कळंबोली पोलिस ठाणे होणार चकाचक..

कळंबोली पोलिस ठाणे होणार चकाचक..

बेवारस वाहने ज्या मालकांची आहेत त्यांनी आपल्या वाहनाची कागदपत्रे दाखवुन सात दिवसाच्या आत घेवुन जावेत अन्यथा पोलीसांकडुन त्या वाहनाची कायदेशीर प्रक्रीया पुर्ण करण्यात येईल

कळंबोली/प्रतिनिधी :– कंळबोली पोलीस ठाणेस गुन्हयातील / अपघातातील /बेवारस एकुण १०१ वाहने पोलीस ठाणेच्या आवारात बऱ्याच कालावधीपासुन जमा आहेत त्यापैकी दुचाकी ४९, चार चाकी २७, थ्री व्हिलर ६, अवजड वाहने १९ अशी एकुण १०१ वाहने अनेक वर्षापासुन पडुन आहेत त्यामुळे आरोग्याचा धोका निर्माण होण्याची शक्यता नाकारता येत नाही म्हणुन बेवारस वाहने ज्या मालकांची आहेत त्यांनी आपल्या वाहनाची कागदपत्रे दाखवुन सात दिवसाच्या आत घेवुन जावेत अन्यथा पोलीसांकडुन त्या वाहनाची कायदेशीर प्रक्रीया पुर्ण करण्यात येईल असे आवाहन कळंबोली पोलीस ठाणेचे वरिष्ठ पोलीस निरीक्षक राजेंद्र कदम यांनी केले आहे.

पोलीस ठाणेस शेकडो वाहने विविध गुन्हयात पोलीस जप्त करतात मात्र न्यायालयीन प्रक्रीयेमुळे वाहनाचे मालक मिळुन येत नसल्याने ही वाहने पोलीस ठाणेच्या आवारात अनेक वर्ष मालकाच्या प्रतीक्षेत आहेत. या पार्श्वभुमीवर मिंलीद भारंबे पोलीस आयुक्त नवी मुंबई यांनी मालकाचा शोध घेवुन ती वाहने त्यांच्या ताब्यात देण्याचे आदेश प्रभारी अधिकाऱ्यांना दिले. त्यानुसार परिमंडळ २ पोलीस उप आयुक्त प्रशांत मोहिते सो., पनवेल विभागाचे सहा. पोलीस आयुक्त अशोक राजपुत यांचे मार्गदर्शनानुसार कंळबोली पोलीसांनी गुन्हयातील, अपघातातील बेवारस वाहनाच्या मालकाचा शोध घेण्यास सुरूवात केली त्यासाठी पोलीसांनी परंदवाडी तळेगाव दाभाडे, ता मावळ, जि पुणे येथील महाराष्ट्रात अग्रेसर असलेल्या गंगामाता वाहन शोध संस्थेची मदत घेतली या संस्थेचे अध्यक्ष राम उदावंत यांनी कळंबोली पोलीस ठाण्यात येथे गुन्हयातील, अपघातातील बेवारस अवस्थेत असलेल्या वाहनाची पाहणी केली उदावंत व पोलीसांनी बेवारस वाहनांचे चेसीस नंबर व इंजिन क्रमाकांवरून दोनच दिवसात १०१ वाहनाच्या मुळ मालकाचा शोध लावला. त्यासाठी पोलीस निरीक्षक (गुन्हे) गजानन घाडगे, पोलीस हवालदार दिपक वाशिमकर (मुद्देमाल कारकुन), मपोहवा संगिता माळी, महिला पोलीस शिपाई सुप्रिया शिंदे (मुद्देमाल मदतनिस), मपोहवा अर्चना दांगट यांच्यासह गंगामाता वाहन शोध संस्थेचे अध्यक्ष राम उदावंत, उपाध्यक्ष बाळासाहेब बागडे, भारत वाघ, यांनी परिश्रम घेतले. तसेच ज्या मालकांची वाहने असतील त्यांनी पोलीस ठाणेस येवुन आपले वाहन तपासुन घेवुन जावे. तसेच सदरचे वाहन घेवुन न गेल्यास कायदेशीर प्रक्रीया पुर्ण करून त्यांचा लिलाव केला जाईल व त्यातुन आलेली रक्कम सरकारी तिजोरीत भरण्यात येईल असे वरिष्ठ पोलीस निरीक्षक कळंबोली राजेंद्र कदम यांनी सांगीतले आहे.

असा लावला जातो शोध..

सुरवातीला वाहनाचे चेसीस व इंजीन नंबर यांची यादी केली जाते. त्यानंतर वाहनाची विभागणी करून येवारस, अपघात व गुन्हयातील वाहने अशी वर्गवारी करून मुळ मालकांच्या, घराचा पत्ता शोधला जातो. अनेकदा वाहन मालकाचा जुना पत्ता रजिस्टरमध्ये नोंद असल्याने मालक त्या पत्त्यावर मिळुन येत नाही. वाहनाची बारकाईने माहिती गोळा करून मुळ मालकापर्यंत पोहचण्याचा प्रयत्न केला जातो. असे वपोनि राजेंद्र कदम कळंबोली पोलीस ठाणे व संस्थेचे अध्यक्ष राम उदावंत यांनी सांगितले,