कोनगाव येथील लॉजमध्ये राहून, आयपीएल मॅचवर सट्टा लावणाऱ्या छत्तीसगड येथील ०३ सट्टेबाज, बुकींना केली अटक..

कोनगाव येथील लॉजमध्ये राहून, आयपीएल मॅचवर सट्टा लावणाऱ्या छत्तीसगड येथील ०३ सट्टेबाज, बुकींना केली अटक..

छत्तीसगड येथील ०३ पुरूष आरोपी यांना आएपीएल मॅचवर सट्टा लावून जुगार खेळत असताना पकडले

ठाणे/प्रतिनिधी — विशेष कृती दल तसेच खंडणी विरोधी पथकास मिळालेल्या गुप्त माहितीच्या आधारे केलेल्या कारवाईत सापळा रचून काल दिनांक २५/०४/२०२४ रोजी १९:३० ते २३:०० दरम्यान हॉटेल के.एन. पार्क, कोनगाव भिवंडी येथे छत्तीसगड येथील ०३ पुरूष आरोपी यांना आएपीएल मॅचवर सट्टा लावून जुगार खेळत असताना पकडले. सदर आरोपी यांनी आपसात संगनमत करून लॅपटॉप मध्ये ‘सुभलाभ’ नावाचे सॉफ्टवेअर मध्ये किकेट मॅचवर जुगार/बेटिंग/सटटा खेळणारे व्यक्तीकडून घेतलेल्या सट्टयाची बेटींगची माहिती भरून रियलमी पॅड टॅब मध्ये ‘ताज७७७स्पोर्ट’ अॅप्लीकेशन वर आरसीबी व सनरायजर्स हैद्राबाद यांच्यामधील टी२० मॅच लाईव्ह बघून, सट्टा लावणाऱ्या इतर इसमाकडून ११,८६,८११/ रू सटटा/बेटिंग स्विकारली. तसेच रेड मी ९ कंपनीच्या मोबाईल मध्ये ‘सुपर असिस्टंट’ अॅप्लीकेशन मध्ये बुकी जानू, राहणार कोरबा, छत्तीसगड यांची १९ नंबरची बुकीची बेटींग लाईन घेवून तिच्यावर ७,०३,०००/रू.चा जुगार/सट्टा/बेटिंग लावले.

तसेच जुगार/सट्टा/बेटिंग खेळण्या करीता शासनाची दिशाभूल करण्याच्या उद्देशाने बनावट कागदपत्राचे आधारे सिमकार्ड घेवून शासनाची व मोबाईल कंपन्यांची फसवणूक केली आहे. सदर ०३ इसमांच्या ताब्यातून १२ मोबाईल फोन, ०१ टॅब व ०१ लॅपटॉप असे एकूण ०१,९७,४००/रू चा मुद्देमाल जप्त करण्यात आला आहे. म्हणून वरील नमूद ०३ इसम तसेच पाहिजे आरोपी जानू रा. कोरबा, छत्तीसगड यांच्याविरूद्ध कोनगाव पोलिस स्टेशन येथे आज दिनांक २६/०४/२०२४ रोजी गु.रजि.क.५६१/२४ भा. दं. वि. कलम ४२०,४६५,४६७,४६८,४७१, ३४ सह महा. जुगार प्रतिबंधक कायदा कलम ०४ व ०५ प्रमाणे गुन्हा दाखल करण्यात आलेला असून यात तीन्ही आरोपींना अटक केली आहे. ते छत्तीसगड येथून येथे येवून आयपीएल मॅचवर सट्टा लावत असत. त्यांची नावे खालीलप्रमाणे

१) शानू ललित बेरीवाल, वय ३१ वर्ष व्यवसायः ट्रॅव्हल्स, जिल्हा रायगड, छत्तीसगड

२) रजत बाबूला शर्मा, वय ३० वर्ष, जिल्हा रायगड छत्तीसगड

३) विजय सिताराम देवगन, वय ४० वर्ष, रा. जिल्हा रायगड, छत्तीसगड

या पथकाने केली कारवाई..

सदरची कारवाई मा. पोलीस आयुक्त, ठाणे शहर श्री. आशुतोष डुंबरे, मा. पोलीस सह आयुक्त, श्री. ज्ञानेश्वर चव्हाण, मा. अपर पोलीस आयुक्त, गुन्हे, श्री. पंजाबराव उगले, मा. पोलीस उप आयुक्त, गुन्हे, श्री शिवराज पाटील, मा. सहायक पोलीस आयुक्त श्री राजकुमार डोंगरे, शोध २, गुन्हे शाखा, ठाणे शहर, सहायक पोलीस आयुक्त श्री. शेखर बागडे, विशेष कार्य दल, गुन्हे शाखा, ठाणे शहर यांचे मार्गदर्शनाखाली खंडणी विरोधी पथकातील मपोनि/वनिता पाटील, सपोनि/श्रीकृष्ण गोरे, सपोनि / भुषण कापडणीस, सपोनि /सुनिल तारमळे, पोउनि/विजयकुमार राठोड, सपोउनि/सुभाष तावडे, सपोउनि/कल्याण ढोकणे, सपोउनि/संजय बाबर, पोहवा/सचिन शिंपी, पोहवा/योगीराज कानडे, पोहवा/संजय राठोड, पोहवा/गणेश गुरसाळी, मपोहवा/शितल पावसकर, मपोशि/मयुरी भोसले, पोशि/तानाजी पाटील, पोशि/अरविंद शेजवळ, पोशि/विनोद ढाकणे चापोना/भगवान हिवरे यांनी केली आहे.